بىز كۆپ تىللىق يۇمشاق دېتال ئاچقاندا نۇرغۇن ئۇسۇللار بار . مەسلەن ئاندروئىد ۋە iOS
ئوخشىمىغان تىل بولاق يازساقلا بۇلىدۇ . شۇڭا بۇ توغرىسىدا كۆپ توختالمايمىز . بۇيەردە يەنە بىر باش ئاغرىتدىغان مەسلە بار . ئۇ بولسىمۇ مەزمۇننى قانداق قىلىپ كۆپ تىللىق قىلغىلى بۇلىدۇ ؟ تۆۋەندە بىر نەچچە خىل ئۇسۇلنى دەپ ئۆتەي .
مەخسۇس بىر خەت جەدىۋېلى قۇرۇش
جەدىۋەلدىكى بىرىنچى قۇرنى نام (key
) قۇر قىلىمىز . باشقا قۇرلا بىرسى بىر تىلغا ۋەكىللىك قىلىدۇ . ئاندىن خەتلا يازدىغان يەرلەرنىڭ ھەممىسىگە ئاۋال نام يېزىپ ئاندىن خەت جەدۋېلدىكى نام ئۇدۇلىغا ھەرخىل تىلدىكى تەرجىمىسىنى يازىمىز . سانسىپىر قايتۇرغان چاغدا نامنى خەتكە ئالماشتۇرۇپ قايتۇرساقلا بولدى . بۇ خىل ئۇسۇلنىڭ كېڭەيتىشچانلىقى ئىنتايىن يۇقرى تىل كۆپ بولسىمۇ تامامەن ھاجەتتىن چىقالايدۇ .
ئايرىم ساندان تەييارلاش
ھېسابتا ھەر بىر تىلغا بىر ساندان ، ئىچىدىكى مەزمۇنمۇ ئوخشىمايدۇ . تىلغا ئاساسەن ئوخشىمىغا سانداننى ئىشلىتىمىز . بۇ خىل ئۇسۇلنى ئىشلەتكەندە خىزمەت سەل كۆپىيىپ كېتىدۇ . ھېسابتا ھەر بىر تىلدىكى دېتالنى ئايرىم مەھسۇلات دەپ قارىساقمۇ بۇلىدۇ .
ئارلاش يېزىش ئۇسۇلى (سۇباتقا ئىشلەتكەن)
خەت يازىدىغان يەرلەرگە ھەرخىل تىلدىكى تەرجىمىسىنى يېزىپ قويىمىز . مەسلەن : ناخشا##音乐##music . ئاندىن سانسىپىر قايتۇرغان چاغدا لازىملىق تىلنى ئېلىپ قېلىپ باشقىللىرىنى چىقرىۋېتىمىز . مەسلەن ئۇيغۇرچە ھالەتتە ## بىلەن ئايرىپ بىرىنچىسىنى قويۇپ قويىمىز .
بۇ خىل ئۇسۇلنىڭ ئارتۇقچىلىقى :
- ئىشلىتىشكە قۇلاي
- مەزمۇن ئىزدەشكە قۇلاي ، قايسى خىل تىلدا ئىزدىسە تاپالايدۇ .
- سانداننىڭ بېسىمى يىنىكلىتەلەيدۇ .
كەمچىلىكى :
- بەك كۆپ تىل بولسا بولمايدۇ .
- جەدىۋەلنىڭ سىغىمى چوڭلاپ كېتىدۇ .
- قۇرنىڭ چوڭ كىچىكلىكىنى تىلنىڭ سانىغا ۋە ئەڭ چوڭ خەت سانىغا قاراپ بىكىتىمىز . مۇۋاپىق بولمىغاندا ئېشىپ كېتىشى مۇمكىن .
- داۋاملىق بايقايلى .
ئاخرىدىكى ئۇسۇلنى سۇباتقا ئىشلىتىپ كېلىۋاتقان ھازىرچە كۆپ مەسلە كۆرۈلمىدى . مۇشۇنىڭغا ئوخشاش ئۇسۇلنى باشقىلامۇ ئىشلەتكەنمۇ يوق بۇ نامەلۇم . دوستىلار ئىشلىتىپ قالسا دېققەت قىلىشىنى سورايمەن 😀
ئەلۋەتتە يەنە نۇرغۇن ئۇسۇللار بار . كۆپچىلىكنىڭ داۋاملىق ئاستىدا بەھىرلىنىشنى ئۈمىد قىلىمەن .