سۇبات ۋە دىلسىمنىڭ ئارقا سۇپىسىنى قىلىش جەريانىدا نۇرغۇن مەسىلىلەرگە يولۇقتۇم . رامكىنىڭ كېىلىپ چىقىشىغىمۇ مۇشۇ مەسىلىلەر سەۋەب بولدى شۇڭا باشتا مۇشۇ مەسىلىلەرنى تىزىپ چىقاي .
يولباش (route) مەسلىسى
باشقا رامكىلارنى ئىشلەتكەن ۋاقتىمىزدا مەيلى api
بولسۇن ۋە ياكى توربەت بولسۇن چۇقۇم route
يازىمىز . ئەملىيەتتە قلىۋاتقىنىمىز مەلۇن بىر ئادرىسنى مەلۇم بىر فونكىسىيەگە ئۇدۇللاپ بىرىش ۋە سانسىپىر سۇنۇش ئۇسۇلىنى بېكىتىش . بۇ خىل ئەھۋالدا بىز يېزىپ بۇلۇپ ئۆزىمىز بىر سىنىۋەتكەندىن كىيىن ئاندىن ئېغز چۈشەندۈرىش دەپتىرىگە چۈشەندۈرۈپ يېزىپ چىقىمىز . تېرمىنال يازغۇچى تەرەپمۇ بىر قېتىم ئوقۇۋەتكەندىن كىيىن سىناپ بېقىپ ئاندىن ئۆزىنىڭ route
ھۆججىتگە كۆچۈرىدۇ ۋە بىردىن فونكىسىيەگە ئۇدۇللايدۇ . مۇشۇ قەدەم باسقۇچلا ماڭا قىسقارتقىلى بۇلىدىغاندەك بىلىندى .
مودىل مەسلىسى
مەيلى قانداق سىستىما ياسايلى نۇرغۇن مودىللاردىن تۈزىلىدۇ . بىز ئېغىز يازغاندا كۆپ بولغاندا ھەربىر مودىلغا 4-5 فونكىسىيە يېزىپ چىقىمىز . ئوقۇش ، يېزىش ، ئۆزگەرتىش ، ئۆچۈرۈش ۋە ھەرخىل مۇناسىۋەتلەر . دىمەك بىزنىڭ مودىل قانچە كۆپ بولسا بىز يازىدىغان كودمۇ شۇنچە كۆپ بۇلىدۇ . بۇ ئەھۋال ماڭا ھارغۇنلۇق ئېلىپ كەلدى .
ئارقا سۇپا مەسلىسى
مەيلى قانداق سىستىما بولسۇن ، ئارقا سۇپىدىن ئايرىلالمايدۇ . ئارقا سۇپىدا بىز ھەر خىل مۇدىللانى باشقۇرىمىز . مەسلەن : يېڭىدىن قۇرۇش ، ئۆچۈرۈش ، ئۆزگەرتىش ، تاسقاش ۋە ئىزدەش قاتارلىقلار . بۇ جەرياندا نۇرغۇن جەدىۋەللەر كېتىدۇ ئەلۋەتتە . بۇ جەدىۋەللەرنىڭ كۆرۈمە يۈزى ئاساسەن ئوخشاش . بىز كونا ئۇسۇلدا نەچچە مۇدىل بولسا شۇنچىلىك جەدىۋەل ۋە تاسقاش فونكىسيەلرىنى يېزىپ چىقىمىز ، ئەلۋەتتە 20-30 مودىل بولغاندا بۇ خىزمەت ئىنتايىن چوڭ بوپ كېتىدۇ .
قايتا يېزىش مەسلىسى
ماڭا ئەڭ خوش ياقمايدىغان ئىش بولسا بۇرۇن قىلىپ بولغان ئىشنى قايتا قىلىش . ئەڭ ئاددىسى بىز ھەربىر سىستىما يازساق بەزىبىر ئورتاق ئىشلار بار مەسلەن ئۈندىداردا كىرىش ، سالۇن ئىقتىدارلىرى ، ھۆججەت يوللاش دېگەندەك . ئەمدى مۇشۇ ئىشلارنى بىرلا قېتىم ئىشقا ئاشۇرۇپ قويۇپ ھەربىر سىستمىدا تارتىپلا ئىشلىتەلەيدىغان ھالەتكە يەتكىلى بۇلامدۇ يوق ؟ ئەگەر بۇنداق بولمىغاندا بىز نۇرغۇن كودنى قايتا يېزىپ كېتىمىزكەن .
قۇر ئىسمى مەسلىسى
نۇرغۇن ۋاقتتا بىز قۇر ئىسمىنىڭ ئوخشاش بولماسلقى سەۋەبىدىن ئۆزىمىزگە ئاۋارچىلىق تېپىۋالىمىز . مەسلەن سانداندا username
بىز جەدىۋەلدە user_name
دەپ تاپشۇرىمىز . كىچىك يېڭى گۇرپىلادا بۇ ئىشلا دائىم يۈز بىرىپ تۇرىدۇ . قانداق قىلغاندا مۇشۇ ئىشنىڭ ئالدىنى ئالغىلى بۇلىدۇ ؟
ئېغىز چۈشەندۈرۈش مەسلىسى
بىز كود يازغاندا ئامال بار فونكىسىيە ئۈستىگە چۈشەندۈرىشىنى يازىمىز . ئاندىن ئېغىز چۈشەندۈرۈش دەپتىرىگە مۇناسىۋەتلىك ئۇچۇرنى يېزىپ چىقىمىز . ئەگەر بىز فونكىسيەنىڭ چۈشەندۈرشىنى ياخشىراق يازساق ، ئېغىز چۈشەندۈرىشى ئاپتۇماتىڭ چىقسا ، بىزنىڭ خېلى كۆپ ۋاقتىمىز تىجىلىپ قالىدۇ .
TCP
قوللاش مەسلىسى
مەن Swoole
بىلگەندىن باشلاپ ئۇنىڭ tcp
ئىقتىدارىدىن پايدىلىنىپ ئەپنىڭ ئېغىزىنى tcp
ئۇلىنىشغا يۆتكەش مەقسىدىم بار ئىدى .
مۇشۇ مەسلىلەرنى ھەل قىلىش ۋە رمكا يېزىشنى ئۈگىنىش مەقسىتىدە بۇ رامكىنى يېزىشقا باشلاپ قالدىم . ئەمدى قانداق ھەل قىلىشقا كەلسەك باشقا بىر كۈنى يەنە بىر توختىلاي .